सिरहा– जिल्ला भन्सार कार्यालय सिरहाको गस्ति टोलिले २० लाख मूल्य बराबरको लत्ता कपडा बोकेको गरको गाडीसहित दुई जनालाई नियन्त्रणमा लिएको छ ।

भन्सार छलेर नेपालतर्फ ल्याइरहेको स. १ च १२८३ नम्वरको पिकप भ्यान, त्यसका चालक, गाडीमै रहेका अर्का एकजनालाई भन्सार कर्मचारीले सोमबार राती १ बजे सिरहा नपा २ छोटकीटोलबाट नियन्त्रणमा लिएको हो । सामान बरामद गरेको स्थानभन्दा करिव पाँच सय मिटरको दुरीमा सशस्त्र प्रहरी बल सीमा सुरक्षा कार्यालय रहेको छ ।

भन्सार कार्यालयले सामानको मूल्याङ्कन कार्य गरिरहेका भएपनि २२ वटा पोकामा करिव २० लाख मूल्य बरावरको साडी, कर्ता सुरवाल, साना नानीहरुले लगाउने कपडा रहेको जनाएको छ । पक्राउ पर्नेमा गोलबजार २ का सवारी चालक रामपुकार साह र अर्का रौतहट, सोहर्नीया ३ का महेन्द्र साह रहेको भन्सार कार्यालयले जनाएको छ ।

भन्सार छलेर धेरै सामग्री नेपाल भित्रिने गरेको सूचना पाएपछि आफूहरुले गस्ति सुरु गरेको जिल्ला भन्सार कार्यालय सिरहाका प्रमुख राजेन्द्र कुमार हमालले जानकारी दिए । गस्ति शुरु भएदेखिकै सवैभन्दा ठूलो परिमाणमा सामान बरामद गरेको उनले बताए ।

जिल्ला भन्सार कार्यालयमा आर्थिक वर्ष सुरु भएपछि लक्ष्यअनुसार साउन महिनामा ६२ प्रतिशत र भदौ महिनामा ५६ प्रतिशतमात्र भन्सार असुली भएको जनाएको छ ।

सिराहा मा प्रतिनिधि सभा निर्वाचन को लागि राजपा अध्यक्ष मणडल सदस्य राज किशोर यादव को नाम सिफारिस भएको छ ।सिराहा को प्रतिनिधि सभा क्षेत्र नम्बर ४ बाट एक्लो नाम सिफारिस गरेको राजपा का केन्द्रिय सदस्य किशोरी यादव ले जानकारि दिनु भएको छ ।

अध्यक्ष यादव को नाम राजबिराज र जनकपुर बाट चुनाव लडने भने पनि आफनै पुरानो निर्वाचन क्षेत्र बाट जनचाहना अनुसार चुनाव लडने भएको छ ।
प्रदेश सभा को लागि उक्त क्षेत्र अन्तर्गत बाट किशोरी यादव,सुरेश मनडल,कपिलदेब यादव , उदय नारायण यादव,राम प्रकाश यादव,राम बावु यादव, राम दयाल यादव को नाम सिफारिस गरेको छ ।