सिरहा नगरपालिकाको १८ औँ नगरपरिषद् सम्पन्न

सिरहा, १९ पौष । सिरहा नगरपालिको १८ औँ नगर परिषद सोमबार समपन्न भएको छ । नगरपालिकाले १८ औ नगरपरिषदले आर्थिक वर्ष २०७४÷०७५ का लागि २६ करोड भन्दा बढीको अनुमानित आयव्यय प्रस्ताव गरेको हो । सिरहामा भएको नीति, कार्यक्रम बजेट तथा योजना सार्वजनिकीकरण कार्यक्रम मार्फत आर्थिक वर्ष २०७४ र ०७५ का लागि २५ करोड ५० लाख ५८ हजारको अनुमानित आयव्यय प्रस्तावित गरिएको थियो ।
यस्तै चालू आर्थिक वर्ष २०७३ र ०७४ मा ६ करोड १८ लाख ९ हजार ३ सय चौहत्तर रुपैयाँको संशोधित आयव्यय प्रस्तुत गरिएको छ । नेकपा एमालेका साँसद आशादेवी यादवले विकासको लागि राजनितिक दल मिल्नुको विकल्प नभएको बताईन ।
सिरहा नगरपालिकाको १८ औं नगर परिषद उद्घाटन गर्दै साँसद यादवले यस्तो बताएकी छिन् । विकास र बदलाबको लागि राजनीति दल एउटै टेबलमा बसेर छलफल गरि कार्यान्वयनमा जोड दिनुपर्ने साँसद यादवको भनाई थियो ।