काठमाडौँ, १२ पौष । एकपछि अर्को नेताले पार्टी छाड्न थालेपछि मधेशी जनअधिकार फोरम नेपाल ९लोकतान्त्रिक० यतिबेला तनावमा रहेका छन् । पार्टीबाट नेता बाहिरिने क्रम बढेपछि पार्टीले राजनीतिक समितिको बैठक बोलाएको हो ।तीनकुनेस्थित पार्टी कार्यालयमा आज मध्यान्ह बस्ने सांसदहरुसहित राजनीतिक समितिको बैठकमा नेताहरुले पार्टी किन छाड्दै छन् भन्ने विषयमा गम्भीर छलफल हुने बताइएको छ ।
नेताहरु असन्तुष्ट
–पार्टी अध्यक्षको कृयाकलापका कारण अधिकांश नेताहरु अन्तुष्ट रहेका छन् ।
–राजनीतिक विषयमा पार्टीले स्पष्ट अडान नलिएको कारणले नेताहरुको असन्तुष्टि बढ्दै गएको छ ।
को–को ले छाडे पार्टी ?
– पछिल्लो दुई हप्तामा पार्टीका उपाध्यक्ष दानबहादुर चौधरी, पर्सा जिल्लाका अध्यक्ष शशीकपुर मियाँ र पार्टीका केन्द्रीय सदस्य लक्ष्मण थारुले पार्टी छाडिसकेका छन् ।
– दानबहादुर चौधरी नयाँ शक्तिमा गएका छन् भने मियाँ तराई मधेश लोकतान्त्रिक पार्टीमा प्रवेश गरेका छन् । जेलमा रहेका थारुले हाल कुनै पार्टीमा नजाने घोषणा गरेका छन् ।
– यसअघि मृगेन्द्र यादवलगायतका नेताहरु पार्टी छाडिसकेका छन् ।
अरु पनि छाड्ने तयारीमा
अरु नेताहरु पनि पार्टी छाड्ने तयारीमा रहेका छन् । पार्टीका अर्का वरिष्ठ उपाध्यक्ष रामेश्वर राय यादव पनि पार्टीको सम्पर्कमा छैनन् । उपाध्यक्ष यादव काठमाडौ छाडेर सर्लाहीमा गएर बसेका छन् । आजको बैठकमा पनि उनी उपस्थित रहने छैन ।
स्रोतका अनुसार अध्यक्ष गच्छदारले उपाध्यक्ष यादवलाई बैठकमा आउन खबर गरेका थिए । तर यादवले बैठकमा आउन सिधै नकार्दै यो तरिकाले पार्टी चल्न नसक्ने प्रतिकृया दिएका थिए ।
उनले गच्छदारलाई सुध्रिन पनि सुझाव दिएका छन् ।
त्यसपछि गच्छदारले ‘बैठकमा आउनुहोस् सल्लाह गरेर के के गर्नुपर्छ गरौँला’ भन्दा पनि उपाध्यक्ष यादव बैठकमा आउन नमानेको पार्टी स्रोतले जनाएको छ ।
यता अर्का उपाध्यक्ष जितेन्द्र देव पनि पार्टीप्रति त्यति ध्यान नदिएको पार्टी स्रोतले जनाएको छ ।
के कारणले पार्टीमा असन्तुष्टी
–अध्यक्ष गच्छदारले न पार्टीलाई सरकारमा जान दिएका छन् न आन्दोलनमा, त्यही भएर नेताहरु असन्तुष्ट बनेका छन् ।
–पार्टीको भूमिका कही नदेखिएको कारण नेताहरु निराश भएर अन्य पार्टी रोज्न थालेका छन् ।
–सविधान संशोधनलगायतको राजनीतिक लफडा भइरहेको अवस्थामा पार्टीले अझै आफ्नो कुरा स्पष्ट नगरेको कारणले पनि नेताहरुलाई बोल्न असजिलो भएकाले निराशा बढेको छ ।
–पार्टीमा अध्यक्ष गच्छदारले आफ्ना आसेपासेलाई मात्र संरक्षण गरेका छन् अरु विरोधी र फरकमत राख्नेलाई कुनै वास्ता नगरेको गुनासो रहेको छ ।
No comments:
Post a Comment