एकैवेतमा तीन सन्तान पाएपछि सदाय परिवारलाई पालनपोषण चिन्ता

१. अगेनो छेउमा सुताईराखेका तीन नवजात शिशुहरु ।

२. जेठो छोरो प्रविन, आमा बुद्धनी र तीन नवजात शिशुहरु ।

समग्र संदेश डट कम    सिरहा, ०१ मंसिर – सिरहाको अर्नमा–४ की २५ वर्षिय बुद्धनी सदायले एकैपटकमा तीनवटा बच्चा पाउनु भएको छ । एकै वेतमा तीन जना छोरा–छोरी जम्माएपछि कसरी पालन पोषण गर्नेभन्ने चिन्तामा डुवेको छ । तीनमध्ये दुई छोरा र एक छोरी रहेका छन् ।
   बुद्धनी र उहाँका श्रीमान पवनले गरेको दैनिक ज्यालामजदुरीबाट गुजारा चलाउँदै आएका थिए । एकैपटकमा तीन–तीन जनासन्तानलाई हुर्काउने चिन्ताले सताएको छ । ‘सन्तान पाएकोमा खुसी नहुने आमा काहाँहोला र ? खुसीसँगै यिनीहरुलाई कसरी हुर्काउने भन्ने चिन्ताले पीरोल्न थालेको छ; सदायले भन्नुभयो– ‘पहिला दुवै बुढाबुढि कमाउँथ्यौ अव एकैजनाको कमाईले यी सानानानीहरुलाई कसरी हुर्काउने ?’
   यसअघिका पनि सदायएका ८ वर्षिया छोरी पुजा र ५ वर्षका छोरा प्रविण छन् । सदायले भन्नुभयो–‘उनीहरुपनि बालखा नै छन्, अव ५÷५ जनालाई हुर्काउर्ने ? सम्झिदा नै मन वेचैन भएर आउँछ ।’ हामी गरिवले छोराछोरी जन्माएरपनि हुर्काउन समस्या हुनेभयो भन्दै सदायले चिन्ता व्यक्त गर्नुभयो ।
   गर्भरहेको ७ महिनापछि गर्भमा ३ वटाबच्चा छ भन्ने सदाय परिवारले जानकारी पाएका थिए । तीनवटा वच्चा गर्भमा रहेको थाहापाउँदा पाउँदैपनि आर्थिक अभावका कारण सुत्केरी गराउन अस्पताल जान सकेका थिएनन् ।
   घरमै सुत्केरीवेथा लागेका सदायलाई धेरै पेटदुख्न थालेपछि गाउँमै गिरहत (साहु) सँग ऋणलिएर १९ गते वेलुका लहानस्थित सप्तऋषि अस्पताल हुर्याएको वुद्धनीकी ससुरा छेदिया सदायले जानकारी दिनुभयो । उहाँले भन्नुभयो, ‘अस्पतालले तीनवटा बच्चा रहेको भन्ने थाहापाएपछि वाहिर लान भनेपनि आर्थिक अभावका कारण लग्न सकिरहेको थिइँन भोलीपल्ट विहान २० गते सजिलै त्यही सवैबच्चाहरु जन्मिए ।
   जन्मेका बच्चाहरु सवै स्वस्थ भएपनि कान्छि छोरीको दाहीनेहातका औंलाहरु राम्रोसँग विकसित भएका छैन्न । जन्मदै दुई छोराहरु २÷२ केजी र छोरी एक केजी ५०० सय ग्रामका थिए । अहिले घरमा पनि उनीहरु स्वस्थ नै देखिएको बुद्धनीले सुनाउनु भयो ।
   तीनवटा बच्चा जन्मिएको थाहापाएपछि गाउँकै सहयोगीहरुले लाउने कपडा दिएको बुद्धनीले बताए ।
   सम्पतिको नाममा सदाय परिवारको बस्ने छाप्रोबाहेक केही छैन । पवनका बुवा आमा चारजना दाजु–भाई, बुहारी, वहिनी सहित १५ जनाका परिवार आ–आफ्नो गरीखाएपनि त्यही छाप्रो वस्ने गरेका छन् ।