राम नारायण पंडित, सिरहा, ०४ कार्तिक । सिरहामा सवारी दुर्घटनामा परि मृत्यु भएकाहरुको सनाखत भएको छ । सिरहाको मिर्चैयामा गएराति बस र ट्रक एक आसपमा ठाकिदा घटनास्थलमा मृत्यु भएका भारत सिक्कीम ग्यान्टोकका ३३ बर्षिय पायल अग्रवाल, सोही ठाउँका ३० बर्षिय विन्दीया गुरुङ्ग र पाँचथर रवी ६ का ३५ बर्षिया ननुका राईको सनाखत भएको छ । पूर्व पश्चिम राजमार्ग अन्तर्गत मिर्चैयामा ना ५ ख ४८८९ नम्बरको यात्रुवाहक बसलाई ना ३ ख ४१३० नम्बरको ट्रकले गएराति करीब १२ बजे ठक्कर दिँदा एक दर्जन भन्दा बढी यात्रु घाइते भएका छन् । दुर्घटनामा परी काठमांडौ घर भएकी 
अनुका थापा, सोही ठाउँका विरु खरेल, सुमन, सोडिया थापा, सर्डियस क्षेत्री, सरोज थापा, संखुवासभा धुपु ५का दिलु कलाखेती, ईलाम आमचौक ३ का कसीस क्षेत्री, पशुपतिनगर ५ बस्ने लाक्पा तामाङ, बारा सिमरा निवासी हिरा कार्की, सोही ठाउँका अदिति कार्की, कृष्ण बहादुर कार्की र पाँचथर रवि ५ बस्ने मनोज राई घाइते भएका छन् । घाइते मध्ये अबस्था गम्भिर रहेका अनुका थापा, विरु खरेल, सुमन र सोडिया थापालाई थप उपचारको लागी न्युरो अस्पताल विराटनगर पठाईएको ट्राफिक प्रहरी पोष्ट मिर्चैयाका प्रहरी नायब निरिक्षक शिब नारायण कुमर दनुबारले जानकारी दिए । समान्य घाइतेहरुको स्थानिय स्तरमा उपचार भईरहेको छ भने केहि उपचार गराई घर फर्कि सकेका छन् । यता, दुर्घटनामा परेका दुवै सबारी र चालकलाई नियन्त्रणमा लिएर अनुसन्धान भइरहेको ईलाका प्रहरी कार्यालय मिर्चैयाका प्रहरी नायब उपरिक्षक श्याम सिंह चौधरीले जानकारी दिए । शवलाई पोष्टमार्टमको लागि लहान अस्पताल पठाईएको प्रहरीले जनाएको छ ।
No comments:
Post a Comment