दुधेबालकसहित इनारमा हामफल्दा छोरीको मृत्यु, आमाको उद्धार

मुकेश यादव   सिरहा, भदौ ३१– घरायसी विवादका कारण दुधेबालकसहित इनारमा हामफल्दा एक बालिकाको ज्यान गएको छ । धनगढीमाई नपा–१२ विष्णुपुरका २८ वर्षिय हिरा खनाल आफ्ना एकवर्षिय छोरी दिलिसालाई वोकेर घर अगाडी रहेका इनारमा हामफल्दा छोरीको इनारमा ज्यान गएको हो ।
    आमाको भने प्रहरीले उद्धार गरेको जिल्ला प्रहरी कार्यालय सिरहाका प्रमुख एसपी श्याम ज्ञावाली जनाएको छ । हिराको श्रीमान धु्रव बैदेशिक रोजगारीको क्रममा दुवइमा रहेको छ ।
    बालिकाको शव पोष्टमार्टमकोलागि लहानस्थित रामकुमार सारडा उमाप्रसाद मुरारका स्मारक अस्पतालमा राखिएको छ । आमा हिराकोपनि सोही अस्पतालमा उपचार भईरहेको जनाएको छ ।