सिरहा,२ भदौ । समाचार लेखेकै कारण कान्तिपुर सिरहा संवाददाता देवनारायण साहलाई लहानमा एक युवकले कुटपिट गरी ज्यान मार्ने धम्की दिएका छन् ।
फुलकहाकट्टी घर भई हाल लहानमा बस्दै आएका विरु भन्ने वीरेन्द्र यादवले पत्रकार साहलाई कुटपिट गरी ज्यान मार्ने धम्की दिएका हुन ।
लहानस्थित सीता नोबेल न्यूज सेन्टरमा आफू बसिरहेका बेला वीरेन्द्र यादवले एक्कासी आएर समाचार किन लेखेको भन्दै गालामा एक झापड हानेर ज्यान मार्ने धम्की दिएर भागेको पत्रकार साहले बताए ।
पत्रकार साहले पशु सेवा भवन भगवानपुरमा अनियमितता भनेर आजको कान्तिपुर दैनिकमा समाचार लेखेका थिए । पत्रकार कुट्ने यादब भवन निर्माणको ठेक्का पाएका बावा गणपति कन्ट्रक्सन फुलकहाकट्टीका प्रोपराइटर दिपेन्द्र यादबका दाई हुन् ।
कुटिएपछि पत्रकार साहले ईलाका प्रहरी कार्यालय लहानका प्रहरी नायव उपरीक्षक राजकुमार केसीलाई घटनाबारे जानकारी गराउँदै दोषीलाई कानुनी कारबाही गर्न आग्रह गरेको छ ।
सो अबसरमा प्रहरी नायव उपरीक्षक केसीले दोषीलाई आवश्यक कानुनी कारबाही गर्ने प्रतिवद्धता जनाएको छ ।
No comments:
Post a Comment