जनतान्त्रिक टाइगरका सैन्य प्रमुख पृथ्वी सिंह सहित दुई धनुषा प्रहरीको फन्दामा

धनुषा, १२ चैत ।जनतान्त्रिक टाईगर जनशक्ति पार्टी नामक भूमिगत संगठनमा आबद्ध पृथ्वी सिंह भनिने कैलाश ठाकुर र कारी भनिने विनोद यादवलाई धनुषा प्रहरीले पक्राउ गरेको छ ।गत माघ २२ गते धनुषाको बालाबाखरका राजेन्द्र यादवलाई गोली हानी हत्या गरेको, २३ गते धनुषाको बिरेन्द्र बजारका नसिम राईनलाई गोली हानी घाईते बनाएको आरोपमा प्रहरीले उनीहरुलाई पक्राउ गरेको हो । यस्तै पुस २८ गते उनीहरुले सिराहाको गोपाल पेट्रोलपम्पमा बक बिष्फोट गराएको पनि प्रहरीले जनाएको छ ।साथै ’जनतान्त्रक टाईगर जनशक्ति पार्टी’को नामबाट उद्योगपति, व्यवसायी तथा पेशाकर्मीबाट अवैध चन्दा असुली गर्ने, अपहरण र फिरौती माग गर्ने लगायतमा पनि उनीहरु संलग्न भएको प्रहरीले बताएको छ । प्रहरीका अनुसार फागुन ९ गते तत्कालीन सैन्य प्रमुख अजय भनिने रामरिझन यादव पक्राउ परेपछि सैन्य प्रमुखको जिम्मेवारी पृथ्वी सिंहले सम्हाल्दै आएका थिए भने कारी भने उनका सहयोगोका रुपमा कार्यरत थिए ।