Online siraha -Mobile Version

सर्लाही, ११ चैत्र । होली मनाउने क्रममा सर्लाहीको मोहनपुरमा हिजो साँझ दुई पक्षबीच झडप हुँदा ५ जना घाईते भएका छन् । सर्लाहीका प्रहरी उपरीक्षक केदार ढकालले झडपमा मोहनपुर गाविस – ५ का २७ वर्षका राजेश यादव र मोहनपुर गाविस ८ का ३० वर्षका अप्सुर मन्सुर गम्भीर घाईते भएको जानकारी दिनुभयो । जिल्ला अस्पताल मलंगवामा उपचार हुन नसकेपछि राजेशलाई वीरगंज र अप्सुरलाई भरतपुर रिफर गरिएको छ । अन्य घाईते तीन जनाको अवस्था सामान्य रहेको जिल्ला प्रहरी कार्यालय सर्लाहीले जनाएको छ । मोहजपुर गाविस– ५ मा मस्जिद अगाडि होली मनाउने क्रममा दुई पक्षबीच झडप भएको हो । झडपका क्रममा दुवै पक्षबाट ढुंगा प्रहार भएको थियो । हिन्दु र मुस्लिम समुदायको मिश्रित बसोवास रहेको त्यो स्थानमा दुवै पक्षलाई राखेर सद्भाव कायम गर्न आज बिहान छलफल गर्न लागिएको घटना स्थलको सुरक्षार्थ खटिनु भएका ईलाका प्रहरी कार्यालय केशरगंजका प्रहरी निरीक्षक दीवाकर घिमिरले बताउनुभयो ।