मुकेश यादब ,राम नारायण पंडित, सिरहा, १२ पौष ।भारतीय बजारमा बिक्री गर्ने उदेश्यले लुकाइछिपाई राखेको अबस्थामा सिरहा प्रहरीले अबैध काठ बरामद गरेको छ । ईलाका प्रहरी कार्यालय गोलबजारका प्रहरी निरिक्षक संतोष निरौलाको कमाण्मा गएको गस्ति टोलीले शनिवार वेलुका गोलबजार ९ स्थित बारीमा लुकाएर राखेको अवस्थामा अन्दाजी २५ क्यूफिट सालको काठ बरामद गरेको छ । मधेश आन्दोलनको कारण राजर्माग केन्द्रित हुदा पनि १५ दिनमा अन्दाजी १०० क्युफिट अबैध काठ बरामद गरिएको छ । काठ जिल्ला वन कार्यालय लहानलाई बुझाउने तयारी भइरहेको प्रहरीले बताए । उदयपुरको जंगलबाट तस्करहरुले वन कर्मचारीकै मिलेमत्तोमा भारतीय बजारसम्म काठ लाने गरेको स्थानीयले बताएका छन् ।
No comments:
Post a Comment