कन्चटमा गोली हानी आत्महत्या

राजविराज, जेष्ठ १८ ( सप्तरीको पोर्ताहा गाविसका एक युवाले आफैलाई कन्चटमा गोली हानी गएराति घरमै आत्महत्या गरेका छन् ।पोर्ताहा गाविस वडा नम्बर ५ निवासी रामकरण खिड्हरीका ३५ वर्षीय छोरा अनिल खिडहरीले आफैलाई गोली हानी आत्महत्या गरेका हुन् ।खिडहरी सुत्ने घर बन्द गरी उनले आफैलाई गोली हानेको प्रहरीको प्राराम्भिक अनुसन्धानले देखाईएको सप्तरीका एसपी शिशिर कर्माचार्यले बताए । उनका अनुसार घरको ढोका फुटाएर मृतक खिडहरीको शवलाई आज बिहान पोष्टमाटर्मकालागि गजेन्द्रनारायण सिंह सगरमाथा अञ्चल अस्पताल ल्याईएको छ ।यता अनुसन्धानकालागि प्रहरीले मृतक खिडहरीको शवसँगै उनले हानेको कटुवा पेस्तोलसमेत बरामद गरेको छ । मृतक खिड्हरीका श्रीमती र दुई छोरा छन् । परिवारमा रहेको आन्तरिक विवादकै क्रममा खिड्हरीले गोली हानी आत्महत्या गरेको हुनसक्ने प्रहरीको भनाई छ ।एक महिना अगाडी घरासयी विवादमा खिडहरीको श्रीमतीसित झगडा परेका थिए । झगडापछि उनकी श्रीमती भारतको बिहारस्थित माईतीमै बस्दैआएकी थिईन् । परिवारको एक्लो सहाराको रुपमा रहेका अनिलले गोली हानी आत्महत्या गरेपछि परिवारमा रुवाबासी चलेको छ ।